काठमाडौँ । कोरोना भाइरस त्रासका कारण रोकिएको रियालिटी शो ‘कमेडी च्याम्पियन सिजन–२ पुनः सुरु हुने भएको छ । करिब दुई महिनादेखि रोकिएको शो अब नियमित रुपमा सञ्चालन हुने भएको हो । कार्यक्रम प्रसारणका लागि उत्कृष्ट नौ प्रतियोगीको प्रस्तुति छायाँंकन गरिइसकिएको छ ।

त्यसक्रममा स्वास्थ्य–सुरक्षाका सम्पूर्ण मापदण्डहरु पुरा गरिएको छ । कार्यक्रममा निर्णायकका रूपमा अभिनेत्रीद्वय करिश्मा मानन्धर र रेखा थापा रहेका छन् । यस्तै सन्तोष पन्त, मनोज गजुरेल, प्रदीप भट्टराई, ऋचा शर्मा पनि नियमित निर्णायकका रुपमा रहेका छन् । यस शोका निर्माता केकी अधिकारी, रिमा विश्वकर्मा, विशाल भण्डारी र राज घिमिरे हुन् ।