काठमाडौं । नेपाल कलाकारिता क्षेत्रमा ख्यातिप्राप्त कलाकारहरु एमाले परित्याग गरी नेपाली कांग्रेस प्रवेश गरेका हुन् । वरिष्ठ हास्य कलाकारु मूलाको सागसहित ७० जना कलाकर्मी नेपाली काँग्रेसमा प्रवेश गरेका छन् । ती कलाकर्मीहरु शनिबार काँग्रेस सभापति शेरबहादुर देउवा निवास बूढानीलकण्ठमा नेकपा एमाले परित्याग गरी काँग्रेस प्रवेश गरेका हुन् ।
त्यसरी एमाले छोडेर काँग्रेस प्रवेश गर्नेमा गायक मोहन राई, मेनुका भुजेल, गंगाराज राई, प्रमेबहादुर लिम्बु, मित्रकुमार राई, चन्द्रकुमारी राई, कमलकुमार राई, दिपेश कुमार वान्तावा र दिपेनकुमार वान्तावा गरेका छन् । त्यसैगरी आलंकारिक शेर्पा, उद्देश्य राई, अजय राई, श्रीकृष्ण खड्का, विजय कुँवर, प्रदीप राई, सगुन मगर, अमिर बुढाथोकी, रामबहादुर विश्वकर्मा, विरुबहादुर विश्वकर्मा, अस्मिता मगर, प्रदीप बुढाथोकी, गणेश दशारा लगायतले एमाले परित्यागरी काँग्रेस प्रवेश गरेका हुन् ।
त्यसैमेसोमा यसअघि कुनै पार्टीमा नरहेका सुरेन्द्र केसी ‘मुलाको साग’, महादेव त्रिपाठी जादुगर र मिलनकुमार श्रेष्ठले पनि काँग्रेसको सदस्यता लिएका छन् । काँग्रेस सभापति देउवाले उनीहरुलाई पार्टीमा स्वागत गर्दै सदस्यता प्रदान गरेका थिए । सो पार्टी प्रवेश कार्यक्रममा नेपाली काँग्रेसको नेपाल सांस्कृतिक संघका अध्यक्ष तीर्थ थापा, महामन्त्रीद्वय शिवशंकर रिजाल ‘जोगिन्दर’ र रोशन केसीको पनि सहभागिता रहेको थियो । नेपाल सांस्कृतिक संघको समन्वयमा ठूलो संख्यामा कलाकारहरु काँग्रेस प्रवेश गरेका गरेका हुन् ।
