काठमाडौं । नेपाली हिन्दु महिलाहरुको महान पर्व हरितालिका तीज नजिकिँदै गर्दा यससँग सम्बन्धित रहेर धेरै सर्जकहरुले गीतका भिडियो सार्वजनिक गर्ने लहर बढेको छ ।
सदा झैं यसवर्ष पनि सर्जकहरुले विभिन्न विषयमा तीजका गीतहरु सार्वजनिक गर्ने बाढी आएको छ । यसै मेसोमा सर्जक मिन प्रकाश ओलीले भने बिश्व महामारीको रुपमा रहेको कोरोना महामारीलाई विषय वस्तु बनाएका छन् ।
उनको सांगीतिक श्रृजनामा ‘ऐया बाबै कोरोना सर्लानी’ बोलको गीतको भिडियो सार्वजनिक भएको हो । रमेश बोहोराको शब्द तथा गायक ओलीकै संगीत रहेको गीतमा प्रिती आलेले स्वर दिएकी छन् ।
लोमश शर्मा, रुविना अधिकारी, भुपेन्द्र डाँगी, रेखा प्रजा, सोनियाँ राई र कुलबहादुर ओलीको नृत्य तथा अभिनय रहेको भिडियोमा सुरेश श्रेष्ठको छायाँकन, प्रकाश धमलाको सम्पादन र स्मृति तिमल्सिनाको कोरियोग्राफी एवम् निर्देशन रहेको छ ।
