काठमाडौं महानगरपालिका ६ बौद्धमा बृहत निः शुल्क स्वास्थ्य शिविर सञ्चालन हुने भएको छ ।
मन बचन र कर्मले दीन दुः खीको सेवा गरौं, स्वास्थ्य शिविर कार्यक्रममा सहभागी बनौं , भ्रमण वर्ष २०२० सफल पारौं भन्ने उद्देश्यका साथ बाल सचेतना केन्द्र नेपालले स्वास्थ्य शिविर आयोजना गरेको हो ।
सन् २०२० लाई सरकारले भ्रमण वर्ष घोषणा गर्दै २० लाख पर्यटक भित्र्याउने मूल उद्देश्य राखेर मनाउन लागिएको ‘भिजिट नेपाल इयर’का लागि देशभर यसको तयारी भईरहेको छ । यसमध्य बालसचेतना केन्द्र नेपालले पनि भ्रमण वर्षलाई नै लक्षित गर्दै शिविर आयोजना गरेका संस्थाका केन्द्रिय अध्यक्ष बाबुराम फुयालले बताए ।
बौद्धनाथ क्षेत्र विकास समितिको संयोजकमा हुने कार्यक्रममा नेपाल भारत मैत्री हस्पिटलले भिडियो एक्सरे तथा ल्यावसहितको सेवा दिने आयोजकले बताएका छन् ।
शिविर बौद्ध स्तुपा परिसरमा बिहान ९ बजेदेखि शुरु गरिने आयोजकले जनाएको छ । शिविरमा जनरल फिजिसियन,नसा तथा बाथ रोग, बाल रोग,नाक, कान घाँटी, स्त्री रोग, सुगर तथा प्रेसर लगाएत विविध रोगको उपचार गरिने बताइएको छ ।
आगामी पौष २६ गते शनिबार उक्त शिविर संचालन हुने भएको छ ।
उक्त शिविरबाट राष्ट्रिय तथा अन्तर्राष्ट्रिय क्षेत्रबाट पाल्नुहुने पर्यटक पाहुना लगायत स्थानिय स्तरका गरिव, असहाय, विपन्न, जेष्ठ नागरिहरु लाभान्वित हुने आयोजकको विश्वास रहेको छ ।
कार्यक्रममा विभिन्न संघ संस्था, स्थानिय गुठी संस्थान, पत्रकार , बुद्धिजिवी, समाजसेवी र सर्वधारणहरुलाई उपस्थिती हुन आयोजकले आग्रह गरेको छ ।
