बोष्टन । कोरोना भाइरस (कोभिड–१९) को संक्रमणबाट अमेरिकामा एकैदिन १३ भन्दाबढीको मृत्यु भएको छ ।

अाज अर्थात अप्रिल ४ तारिकका दिन यो समाचार तयार पर्दा १३ सय ४ जनाको मृत्यु भएको छ । यो संख्यासँगै अमेरिकामा ८ हजार ४ सय १८ जनाले कोरोना भाइरस संक्रमणका कारण ज्यान गुमाएका छन् ।

त्यसैगरी अमेरिकामा संक्रमितको संख्या ३ लाख नाधेको छ । आज मात्रै ३२ हजार १ ९४ जनामा कोरोनाको संक्रमण देखिएको छ । यो संगै अमेरिकामा संक्रमितको संख्या ३ लाख १० हजार १ सय ४७ पुगेको छ।

संक्रमितको संख्या अनुसार निको हुनेको संख्या निकै कम देखिएको छ । यो समाचार तयार पर्दासम्म १४ हजार ६ सय ६१ जना यो संक्रमणपछि निको भएका छन् ।

अमेरिकाको न्यूयोर्कमा सबैभन्दावढी यस भाइरसको संक्रमण देखिएको छ । यहाँ आज ६ सय ३० जनाले ज्यान गुमाए ।

अमेरिकामा नेपालीले समेत ज्यान गुमाएका छन् । केही हप्ता अगाडि न्यूयोर्कमा अनिल लिम्बुको कोरोना संक्रमणको कारण ज्यान गएको थियो ।

सबैभन्दा धेरै न्यूयोर्कमा रहेका नेपालीहरूमा यसको संक्रमण देखिएको समाचारहरू बाहिर आएका छन् ।

त्यसैगरी बोष्टनमा समेत केही नेपालीमा यसको संक्रमण देखिएको छ । बोष्टनमा संक्रमित सबैजना नेपालीहरू कोरोना संक्रमणबाट निको भैसकेका छन् ।