काठमाडौं । काठमाडौंको पेप्सीकोलास्थित सनसिटी अपार्टमेन्टको ए ब्लकमा बुधबार गरिएको र्यापिड टेस्टमा सबैको नेगेटिभ रिपोर्ट आएको छ । र्यापिड टेष्टका लागि बिहान ९ बजेदेखि त्यहाँ स्वास्थ्य मन्त्रायलको टोली खटिएको थियो । ए ब्लकमा बस्ने दुई सय ९६ जनाको बुधबार परीक्षण गरिएको थियो ।
यसअघि मंगलबार पिसिआरमार्फत गरिएको परीक्षणमा दुईजनाको पोजेटिभ रिपोर्ट आएको थियो । कागेश्वरी मनोहरा नगरपालिकाका प्रवक्ता राजाराम पुडासैनीले ए ब्लकमा गरिएको परीक्षणमा सबैको रिपोर्ट नेगेटिभ आएको जानकारी दिए ।
कोरोना संक्रमितहरु ए ब्लकमा बस्दै आएका थिए । सनसिटी अपार्टमेन्टमा रहेका पाँच ब्लकमा ५ सय परिवारका करिब १५ सयजना बस्दै आएका छन् । त्यहाँ सबैको र्यापिड टेष्ट गर्ने तयारी गरिएको छ ।
