विश्वका २ सय १० मुलुक र २ वटा पानीजहाजमा फैलिएको कोरोना भाइरसबाट सङ्क्रमित भएकामध्ये सात लाखभन्दाबढी निको भएर घर फर्किएका छन् ।

पछिल्लो २४ घण्टामा ६ हजार ६ सय ७ जनाको मृत्यु भएसंगै विश्वभर मृत्यु हुनेको संख्या १ लाख ८४ हजार २ सय १७ पुगेको छ ।

एकैदिन विश्वभर ७९ हजार ९ सय ५९ जना संक्रमित थपिएका छन् । योसँगै कूल संक्रमितको संख्या २६ लाख ३७ हजार ६ सय ७३ पुगेको छ ।

जसम्ध्य १७ लाख ३१ हजारभन्दा धेरैको उपचार भइरहेको छ । उपचार गराइरहेकामध्ये ५६ हजार ६ सय ८० जना अर्थात् ३ प्रतिशतको अवस्था जटिल रहेको र बाँकीको अवस्था सामान्य रहेको वल्डोमिटरले जनाएको छ ।

सबैभन्दा धेरै संयुक्त राज्य अमेरिकामा ४७ हजार ६ सयभन्दा धेरैको ज्यान गएको छ । अमेरिकामा आठ लाख ४८ हजारभन्दा धेरैमा सङ्क्रमण पुष्टि भएको छ । गएको २४ घण्टामा अमेरिकामा २३ सयभन्दा धेरैको ज्यान गएको छ ।

यस्तै इटलीमा २५ हजारभन्दा धेरै, स्पेनमा साढे २१ हजारभन्दा धेरै, फ्रान्समा २१ हजारभन्दा धेरै र बेलायतमा १८ हजारभन्दा धेरैको ज्यान गएको छ ।

भारतमा कोरोना सङ्क्रमितको सङ्ख्या २१ हजार नाघेकोे छ । सङ्क्रमणबाट ६ सय ८१ जनाको ज्यान गएको र चार हजार तीन सय ७० जना निको भएका छन् ।