भोजपुरमा एक जनामा कोरोना संक्रमण भेटिएको छ ।
बिहीबार साँझ थप एक जनाको परीक्षण पोजेटिभ देखिएको स्वास्थ्य तथा जनसंख्या मन्त्रालयका सह प्रवक्ता समीरकुमार अधिकारीले बताए।
भोजपुरका हथुवागढीका गाँउपालिकाका २६ वर्षीय एक पुरुषको परीक्षण पोजेटिभ देखिएको हो। वीपी कोइराला स्वास्थ्य विज्ञान प्रतिष्ठानमा स्वाब परीक्षण गर्दा रिपोर्ट पोजेटिभ आएको मन्त्रालयले जनाएको छ ।
योसँगै कोरोना संक्रमितको संख्या ४८ पुगेको छ। उपचारबाट घर फर्कनको संख्या दश पुगेको छ।
यसअघि सर्लाहीका १४ वर्षीय किशोर र उदयपुरकी ५५ वर्षीया महिलामा कोरोना पुष्टि भएको थियो। यससँगै नेपालमा कोरोना संक्रमित ४८ भएका छन्। जसमा १० जना निको भएर घर फर्किएका छन्।