विश्वभर महामारीका रुपमा फैलिएको कोरोना भाइरस सङ्क्रमितको सङ्ख्या २७ लाख नाघेको छ ।

२४ घण्टाको अवधिमा ८३ हजार ८ सय २९ जना नयाँ संक्रमित थपिएका छन् । यो सँगै संक्रमितको संख्या २७ लाख २५ हजार ३ सय ४४ पुगेको हो ।

सङ्क्रमितमध्ये सात लाख ४५ हजार ८ सय १८ जना उपचारपछि निको भएका छन् ।

कोरोना भाइरसको सङ्क्रमणबाट हालसम्म एक लाख ९१ हजार ५५ जनाको ज्यान गएको छ । एकैदिन ६ हजार ३ सय ५६ जनाको मृत्यु भएको छ ।

चीनको वुहानबाट शुरु भएको कोरोनाको संक्रमणले सबैभन्दा धेरै प्रभाव अमेरिकामा परेको छ । अमेरिकामा मृत्यु हुनेको संख्या ५० हजार २ सय ४३ पुगेको छ ।

अमेरिकामा एकैदिन ३० हजार ७ सयभन्दा बढीमा संक्रमण देखिएसँगै संक्रमित हुनेको संख्या ८ लाख ८६ हजार ७ सय ९ पुगेको छ ।

अमेरिकामा संक्रमितमध्ये ८५ जार ९ सय २२ जना उपचारपछि निको भएका छन् । त्यस्तै बेलायतमा मृत्यु हुनेको संख्या १८ हजार ७ सय ३८ पुगेको छ । स्पेनमा मृत्यु हुनेको संख्या २२ हजार नाघेको छ ।