विश्वव्यापी रुपमा फैलिएको कोरोना भाइरसका कारण मृत्यु हुनेको संख्या दुई लाख ११ हजार ६ सय ६ पुगेको छ ।

विश्वका २ सय १० मुलुक र २ वटा पानीजाहाजमा फैलिएको कोरोना भाइरसबाट ३० लाख ६५ हजार ३ सय ७४ जना सङ्क्रमित भएका छन् । सङ्क्रमितमध्ये ९ लाख २२ हजार ३ सय ८९ जना उपचारपछि निको भएर घर फर्किएको वल्डओमिटरले जनाएको छ ।

त्यस्तै १९ लाख ३१ हजारबढीको उपचार भइरहेको छ । उपचार गराइरहेका मध्ये ५६ हजार ३ सय जना अर्थात् ३ प्रतिशतको अवस्था जटिल रहेको र बाँकीको अवस्था सामान्य रहेको छ ।

ज्यान गुमाउने र सङ्क्रमित हुनेको सङ्ख्या सबैभन्दा धेरै संयुक्त राज्य अमेरिकामा छ । अमेरिकामा मात्रै १० लाख १० हजारभन्दा धेरैमा सङ्क्रमण पुष्टि भएकोमा साढे ५६ हजार ७ सय भन्दा धेरैको ज्यान गएको छ ।

पछिल्लो २४ घण्टामा त्यहाँ २० हजार ८ सय ३३ जना नयाँ संक्रमित थपिएका छन् । योसँगै संक्रमित हुनेको संख्या १० लाख १० हजार ३ सय ५६ पुगेको छ । अमेरिकामा संक्रमितमध्ये १ लाख ३७ हजार ७३९ जना उपचारपछि निको भएका छन् ।

उपचार गराइरहेका ८ लाख १३ हजार ६६५ जनामध्ये १४ हजार १७५ जनाको अवस्था गम्भीर रहेको छ ।

यस्तै इटलीमा साढे २६ हजारभन्दा धेरै, स्पेनमा साढे २३ हजारभन्दा धेरै, फ्रान्समा २३ हजारभन्दा धेरै र बेलायतमा २१ हजारभन्दा धेरैको ज्यान गएको छ ।