काठमाडौं । विश्वव्यापी महामारीको रुपमा फैलिएको कोरोना भाइरसको परीक्षण दायर बढ्दै गएको छ ।
स्वास्थ्य तथा जनसंख्या मन्त्रालयका अनुसार शनिबारबाट देशभरका १७ अस्पतालबाट पोलिमरेज चेन रियाक्सन पीसीआर विधिबाट परीक्षण सुरु भएको हो ।
मन्त्रालयका प्रवक्ता डा.विकास देवकोटाका अनुसार शनिबार विराटनगरस्थित कोसी अस्पतालसँगै त्यहाँ रहेको प्रादेशिक जनस्वास्थ्य प्रयोगशालाबाट पीसीआर विधिबाट कोरोना परीक्षण सुरु भएको हो । मन्त्रालयका अनुसार पीसीआर विधिबाट १३ हजार ९८ जनाको नमुना परीक्षण भएका छन् भने र्यापिड डायग्नोस्टिक टेस्ट ९आरडीटी० विधिबाट ४८ हजार ५ सय २९ नमुना परीक्षण भएका छन् । पछिल्लो २४ घण्टामा १२ सय ५२ नमुना परीक्षण भएको छ।
२४ घण्टामा परीक्षण भएका नमुनामा सबै रिपोर्ट नेगेटिभ आएको प्रवक्ता देवकोटाले जानकारी दिनुए । मन्त्रालयका अनुसार अहिलेसम्म ५९ जना संक्रमित छन्।
जसमध्ये १६ जना निको भएर डिस्चार्ज भएका छन् भने ४३ जनाको विभिन्न अस्पतालमा उपचार भइरहेको देवकोटाले बताउनुभयो । सातै प्रदेशमा गरेर २२ हजार ९ सय ७५ जना क्वारेन्टाइनमा छन् । उपत्यकामा चार र बाहिर ८५ गरेर ८९ जनाको आइसोलेसनमा उपचार भइराखेको छ ।