कोभिड १९ को सङ्क्रमणका कारण हालसम्म विश्वभर २ लाख ४४ हजार ५ सय ५५ जनाको मृत्यु भएको छ ।
दुई सय १० भन्दाबढी देश र दुई वटा पानी जहाजमा भाइरस फैलिँदा ३४ लाख ७९ हजार ८ सय भन्दा बढीमा सङ्क्रमण पुष्टि भएकोमा ११ लाख ८ हजारभन्दा बढी उपचार पछि निको भएर घर फर्किएका छन् ।
कोरोना भाइरस सङ्क्रमण भएर उपचार गराइरहेका मध्ये गम्भीर अवस्थामा रहेकाहरुको सङ्ख्या भने घट्न थालेको छ ।
कोरोनाको उपचार गराइरहेका मध्ये ३ प्रतिशतको स्वास्थ्य अवस्था गम्भीर रहँदै आएकोमा अहिले २ प्रतिशतभन्दा केही बढी मात्र गम्भीर रहेको कोरोना भाइरसबारे तथ्याङ्क अध्यावधिक गराइरहेको वेबसाइट वल्डोमिटरले जनाएको छ ।
अहिले उपचार गराइरहेका २१ लाख २७ हजारभन्दा सङ्क्रमितमध्ये ५० हजारभन्दा बढीको अवस्था गम्भीर रहेको जनाएको छ ।
त्यस्तै मृत्यु हुने र सङ्क्रमित हुनेको सङ्ख्या सबैभन्दा धेरै संयुक्त राज्य अमेरिकामा छ ।अमेरिकामा मृत्यु हुनेको सङ्ख्या ६७ हजार ३ सय ९६ पुगेको छ । यस्तै ११ लाख ५९ हजार ५ सय ६४ जनामा सङ्क्रमण पुष्टि भएको छ ।
यस्तै स्पेनमा २५ हजारभन्दा बढी, ईटाली र बेलायतमा २८ हजार भन्दाबढी र फ्रान्समा २४ हजारभन्दाबढी मृत्यु भएको छ ।
