काठमाडौं । नेपालमा आइतबार दश जना कोरोना संक्रमित थपिएका छन् ।
नेपालगंजमा नौ जना र पर्सामा एक गरी दश जना कोरोना संक्रमित भेटिएका हुन् । योसँगै कोरोना संक्रमितको संख्या ६९ पुगेको छ ।
पर्साको वीरगञ्ज महानगरपालिका वडा नम्बर ३ छपकैयाका ३६ वर्षीय पुरुषमा कोरोना संक्रमण पोजेटिभ देखिएको मन्त्रालयका प्रवक्ता डा.विकास देवकोटाले जानकारी दिएका छन् ।
डा देवकोटाका अनुसार नेपालगञ्जमा ५ जना पुरुष र ४ जना महिलामा कोरोना संक्रमण देखिएको हो। उनीहरुको उमेर ७ देखि ५८ वर्ष रहेको उनले जानकारी दिए। ६९ संक्रमित मध्ये १६ जना भने निको भई घर फर्किसकेका छन् ।