विश्वभर कोरोना भाइरस संक्रमणका कारण साढे दुई लाखभन्दा बढीको मृत्यु भएको छ ।

गएको २४ घण्टामा मात्रै ३८ सय भन्दा धेरैकोे मृत्यु भएसंगै हालसम्म मृत्यु हुनेको संख्या दुई लाख ५२ हजार ३ सय ६६ पुगेको हो ।

सोमबार मात्रै विश्वमा ७७ हजार ५ सय १५ जना नयाँ संक्रमित थपिएका छन् । कोरोना भाइरसबाट संयुक्त राज्य अमेरिका सबैभन्दा बढी संक्रमित भएका छन् । सोमबार मात्र अमेरिकामा ११ सय १२ जनाको कोरोना संक्रमणबाट मृत्यु भएको छ । योसँगै छ कोरोनाको कारण मृत्यु हुनेको संख्या ६९ हजार ९ सय २१ पुगेको छ।

अमेरिकामा हालसम्म १२ लाख १२ हजार ८ सय ३५ जना संक्रमित भएका छन्। यस्तै इटलीमा २९ हजार भन्दाबढी, बेलायतमा २८ हजार ७ सय ३४ , फ्रान्स र स्पेनमा २५ २५ हजार भन्दाबढीको मृत्यु भएको छ ।

यसैबीच विश्वभर ३६ लाख ४४ हजार ८ सय ४० जनामा कोरोना सङ्क्रमण पुष्टि भएको छ । जसमध्य ११ लाख ९४ हजार ८ सय ७२ जना उपचारपछि निको भएर घर फर्किएको वल्डोमिटरले जनाएको छ ।