विश्वभर महामारीका रुपमा फैलिएको कोभिड १९ को संक्रमणबाट मृत्यु हुनेको संख्या २ लाख ५८ हजार २ सय ९५ पुगेको छ ।

विश्वका २ सय १२ मुलुक र २ वटा पानीजहाजमा फैलिएको यस भाइरसबाट ३७ लाख २६ हजार ७ सय ४ जना संक्रमित भएका छन् । जसमध्ये १२ लाख ४१ हजार ९ सय भन्दाबढी जना उपचारपछि निको भएर घर फर्किएका छन् । २२ लाख २६ हजार ४ सय भन्दाबढीको विभिन्न अस्पतालमा उपचार भइरहेको छ । उपचाररत मध्ये ४९ हजार २ सय ४८ जनाको अवस्था गम्भीर रहेको विभिन्न तथ्याङ्क निकाल्ने संस्था वर्ल्डो मिटर्स डट इन्फोले जनाएको छ । यो निको हुनेको संख्या मृत्यु हुनेको भन्दा ४.८० गुणा बढी हो ।

कोरोना संक्रमणबाट सबैभन्दा बढी अमेरिकामा ७२ हजार २७१जनाको मृत्यु भएको छ ।त्यस्तै बेलायतमा २९ हजार ४२७, इटलीमा २९ हजार ३१५, स्पेनमा २५ हजार ६१३, फ्रान्समा २५ हजार ५३१ जनाको मृत्यु भएको छ ।