विश्वमा महामारीका रुपमा फैलिएको कोभिड १९ को संक्रमणबाट मृत्यु हुनेको संख्या २ लाख ६५ हजार ७६ जना पुगेको छ ।

विश्वका २ सय १२ देश र २ वटा पानीजहाजमा फैलिएको उक्त भाईरसबाट सङ्क्रमित हुनेको सङ्ख्या ३८ लाख २२ हजार ८ सय ६० पुगेको छ । सङ्क्रमितमध्ये १३ लाख २ हजार ८ सय ९१ जना उपचारपछि निको भएर घर फर्किएका छन्। २२ लाख ५५ हजार ८ सय ९३ जनाको उपचार भइरहेको छ । उपचार गराइरहेकामध्ये ४८ हजार दुई सय ११ जनाको अवस्था गम्भिर रहेको वल्डोमिटरमा उल्लेख छ ।

कोरोना भाइरसबाट सबैभन्दा धेरै संयुक्त राज्य अमेरिका प्रभावित भएको छ । अमेरिकामा मात्रै १२ लाख ६३ हजारभन्दा बढीमा सङ्क्रमण पुष्टि भएकोमा ७४ हजार सात सयभन्दा बढीको मृत्यु भएको छ । हालसम्म दुई लाख १२ हजार नौ सयभन्दा बढी उपचारपछि निको भएका छन् ।

त्यस्तै स्पेनमा दुई लाख ५३ हजार ६ सयभन्दा बढी, इटलीमा दुई लाख १४ हजार चार सयभन्दा बढी, बेलायतमा दुई लाख एक हजारभन्दा बढी , फ्रान्समा एक लाख ७४ हजार एक सयभन्दा बढीमा सङ्क्रमण पुष्टि भएको छ ।