भारतमा कोरोना भाइरसको संक्रमणबाट मृत्यु हुनेको संख्या २ हजार ८ सय नाघेको छ ।
पछिल्लो २४ घण्टामा थप १ सय १८ जनाको मृत्यु भएसंगै मृत्यु हुनेको संख्या २ हजार ८ सय ७१ पुगेको छ । एकै दिन थप ४ हजार ८ सय ६४ जनामा संक्रमण देखिएसँगै भारतमा कुल संक्रमितको संख्या ९० हजार ६ सय ४८ पुगेको वल्डोमिटरले जनाएको छ ।
कोराना भाइरसको संक्रमण फैलिने क्रम नरोकिएपछि भारतमा मार्च २४ देखि लकडाउन जारी गरिएको छ ।
यसैबिच, मध्य प्रदेशका नौ जिल्लालाई कोरोनामुक्त जिल्लाको रुपमा घोषणा गरिएको छ ।
मुख्य सचिव मोहम्मद सुलेमानले प्रदेश अन्तर्गतका नौ जिल्लालाई प्रदेश सरकारले कोरोनामुक्त जिल्ला घोषणा गरेको जानकारी दिए ।
उनका अनुसार कोरोनामुक्त घोषित जिल्लाहरुमा बरवानी, अगर मलवा, शाजपुर, शेओपुर, अलिराजपुर, हार्डा, शाहडोल, टिकमगढ र बेटुल रहेका छन् ।
यी जिल्लाहरुमा अहिलेसम्म कोरोनाबाट संक्रमितहरु नदेखिएपनि कोरोनामुक्त जिल्ला घोषणा गरिएको उनको भनाइ छ । राज्यभरी कोरोनाभाइरसको सङ्क्रमण भएको छ की छैन भनेर परिक्षण गर्ने क्रम अत्यधिक बढाइएको पनि सचिव सुलेमानले जानकारी दिए ।
