छिमेकी मुलुक भारतमा कोरोना भाइरस संक्रमितको संख्या १ लाख नाघेको छ ।
एकै दिन थप ४ हजार ६ सय ४२ जनामा संक्रमण देखिए संगै संक्रमितको संख्या १ लाख ३ सय २८ पुगेको हो ।
पछिल्लो २४ घण्टामा थप १ सय ३१ जनाको मृत्यु भएसंगै भारतमा कोरोनाबाट मृत्यु हुनेको संख्या ३ हजार १ सय ५६ पुगेको छ । संक्रमितमध्ये ३९ हजार २ सय ३३ जना उपचारपछि निको भएका छन् भने ५७ हजार ९ सय ३९ जनाको विभिन्न अस्पतालमा उपचार भईरहेको छ ।
कोरानाको संक्रमण फैलिने क्रम नरोकिएपछि भारतमा मार्च २४ देखि जारी लकडाउन ३१ मे सम्म पुर्याइएको छ ।