सिन्धुपाल्चोक । सिन्धुपाल्चोकको बाह्रबिसे नगरपालिका ७ को भिरखर्कको नागपुजे र भीरखर्कमा पहिरो जाँदा कम्तिमा १८ घर पुरिएको छ ।
आज बिहान झरेको पहिरोले ती घर पुरिंदा कम्तिमा १३ जना सम्पर्कविहिन छन् । स्थानीय बजीर भण्डारीका अनुसार नागपुजेमा पुरिएका घरका सबै मानिस बेपत्ता छन् ।
घटनास्थल बाह्रबिसेदेखि १७ किलोमिटर उत्तरतर्फ पर्दछ । घटनाको बिस्तृत बिवरण आउन बाँकी छ । त्यस्तै जुगल गाउँपालिका ५ चनौटेमा पहिरो जाँदा केही घर हरु पुरिएको छ मानविय मानवीय क्षती नभएको बताइएको छ ।
घटना थाहुने बितिकै प्रहरी घटना स्थल तर्फ लागेको प्रमुख जिल्ला अधिकारी उमेश कुमार ढकालले जानकारी दिए।
जल तथा मौसम विज्ञान विभागको बाढी सूचना केन्द्रले बलेफी र जलविरेमा जलसतह सतर्कता तहसम्म पुगेको र यो बढ्दो क्रममा रहेको जनाएको छ ।
साथै भोटेकोशी, इन्द्रावती, मेलम्ची र सिन्धुपाल्चोकका अन्य साना नदीमा आकस्मिक बहाव हुन सक्ने र पहिरो जान सक्ने भएकाले बिहान १० बजेसम्म सतर्क रहन केन्द्रले आग्रह गरेको छ ।