काठमाडौं । पछिल्लो चौबीस घण्टामा नेपालमा कोरोनाभाइरसका २ हजार ९ सय ३३ जना सङ्क्रमित थपिएका छन् । पछिल्लो चौबीस घण्टामा २४ जना सङ्क्रमितको मृत्यु भएको छ । कोरोनाभाइरसबाट मृत्यु हुनेको संख्या ९ सय ८४ पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा १३ हजार ४ सय ४६ जनाको आरटीपीसीआर परीक्षण गरिएको जनाइएको छ ।
नेपालमा कुल सङ्क्रमित एक लाख ७६ हजार पाँचसय पुगेको छ । हाल ३७ हजार ५ सय २४ जनामा भाइरसको सङ्क्रमण सक्रिय छ ।
पछिल्लो चौबीस घण्टामा तीन हजार १ सय ५० जना कोरोना सङ्क्रमित निको भएर घर फर्केको जनाएको छ । हालसम्म एक लाख ३७ हजार ९ सय ९२ सङ्क्रमित निको भएर घर फर्केका छन् ।
