काठमाडौं । पछिल्लो २४ घण्टामा ३ हजार १ सय १४ जनामा कोरोना भाइरस संक्रमण पुष्टि भएका छन् भने ३ हजार १ सय ४२ जना संक्रमणमुक्त भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ११ हजार १ सय ६६ जनामा गरिएको परीक्षणमा ३ हजार १ सय १४ जनामा कोरोना भाइरस संक्रमण पुष्टि भएका हुन् । जसमा १ हजार ८ सय ६७ पुरुष र १ हजार २ सय ४७ महिलामा छन् । मन्त्रालयले जानकारी गराएको तथ्यांक अनुसार हाल सम्म नेपालमा कोरोना भाइरस संक्रमित हुनेको संख्या १ लाख ७९ हजार ६१४ पुगेको छ । हालसम्म संक्रमणमुक्त हुनेको संख्या १ लाख ४१ हजार १ सय ३४ पुगेको छ ।