काठमाडौं । पछिल्लो समय नेपालमा कोभिडविरुद्ध खोप लगाउनेको संख्या ह्वात्तै बढेको छ । अहिले कोरोनाविरुद्ध दुवै डोज खोप लगाउनेको संख्या साढे ७२ लाख नाघेको छ ।

स्वास्थ्य तथा जनसंख्या मन्त्रालयकाअनुसार हालसम्म नेपालमा ७२ लाख ६३ हजार ७०२ जनाले कोरोनाविरुद्ध दुवै डोज खोप लिइसकेका छन् । हालसम्म ४५ लाख ४१ हजार ६८२ जनाले पहिलो डोज खोप मात्र लगाएका छन् ।

दोस्रो डोज खोप लगाउनेको संख्या साढे २२ लाख नाघेको छ। यसैबीच, आगामी १४, १५, १६ र १७ अगस्टमा चीनबाट ३२ लाख डोज भेरोसेल खोप आउने भएको छ । स्वास्थ्य मन्त्रालयले खोप ल्याउन नेपाल वायुसेवा निगमको बाइडबडी जहाज चार्टर गरिसकेको छ ।