काठमाडौं । उदीयमान गायिका अफ्रिता खड्गीले आफ्नो डेब्यु म्युजिक भिडियो ‘कस्तो त्यो वेदनाले’ सार्वजनिक गरेकी छिन् । उनी ‘भ्योइस अफ नेपाल सिजन–३’ मार्फत दर्शक स्रोता माझ उदायकी हुन् । बालाजुकी अफ्रिता खड्गी द भोईस अफ नेपाल सिजन–३ को ब्याटल राउण्डबाट नकआउट राउण्डका लागि छानिएकी थिइन् ।

यस गीतमा शब्द, संगीत हाल इजरायलमा रहेका गायक, गीतकार तथा संगीतकार राज लिम्बुको रहेको छ । यसअघि गायिका अञ्जु पन्तको स्वरमा एउटा वियोगान्त गीतको म्युजिक भिडियो सार्वजनिक भएको थियो । उक्त गीतमा संगीतकार राज लिम्बुको शब्द तथा संगीत रहेको छ । गीतमा गोपाल रसाइलीको संगीत संयोजन रहेको छ ।

गीत बाल्यकालको साथीसँगको प्रेम र मित्रतालाई स्मरण गीतमा उजागर गरिएको छ । भिडियोमा स्वयम् गायिका खड्गी फिचर्ड छिन् भने बालकलाकार समृद्धि र सौरभको समेत अभिनय समावेश छ । कुलेखानी र ललितपुरमा छायांकन गरिएको भिडियोलाई इसाक जबेगुले छायांकन गरेका हुन् ।

सहायक छायाँकार धिरेन तुम्बापो लिम्बु रहेका छन् । भिडियोमा सञ्जु थलाङको मेकअप रहेको छ । हाङ चेम्जोङको निर्देशनमा भिडियो तयार पारिएको हो । राज लिम्बु अफिसिएल मार्फत भिडियो सार्वजनिक भएको हो । साथै छिट्टै मेल भर्सनमा समेत सार्वजनिक हुने तयारी रहेको बताइएको छ ।