काठमाडौं । बलिउड अभिनेता शाहरुख खानका २३ वर्षीय छोरा आर्यन खान पक्राउ परेका छन् । मुम्बईको समुद्री किनारमा एक क्रुज शिपमा भएको पार्टीमा छापा मारेर खानसहित अन्य सात जनालाई भारतीय प्रहरीले पक्राउ गरेको हो ।
१३ ग्राम कोकेन, २१ ग्राम चरेस, २२ एमडीएमएका चक्की र ५ ग्राम एमडीसहित उनीहरुलाई पक्राउ गरिएको भारतीय सञ्चार माध्यमहरुले जनाएका छन् । शाहरुख पुत्र आर्यन खानविरुद्ध प्रतिबन्धित पदार्थहरुको खरिद गरेको, आफ्नो साथमा राखेको र प्रयोग गरेको अभियोग लगाइएको छ ।
उनलाई साँझ अदालतमा पेश गरिएको थियो । उनलाई सोमबारसम्म हिरासतमा राख्न अदालतले समेत अनुमति दिएको जनाइएको छ ।